കക്കട്ടിൽ: നരിപ്പറ്റ പഞ്ചായത്തിലെ മലയോരമേഖലയായ കുമ്പളച്ചോലയിൽനിന്ന് കണ്ണൂരിലേക്ക് കെ.എസ്.ആർ.ടി.സി. ബസ് സർവീസ് തിങ്കളാഴ്ച പുനരാരംഭിക്കും. കോവിഡ് പ്രതിസന്ധിയിൽ നിർത്തിവെച്ചതായിരുന്നു.
രാവിലെ 8.10-ന് കുമ്പളച്ചോലയിൽനിന്ന് പുറപ്പെട്ട് നാദാപുരം, തലശ്ശേരി വഴി കണ്ണൂരിലേക്കും, തിരിച്ചും ഓരോ ട്രിപ്പുകൾവീതം നാദാപുരത്തേക്കും വടകരയ്ക്കും സർവീസ് നടത്തിയിരുന്ന ബസ് മേഖലയിൽ യാത്രാപ്രശ്നത്തിന് ചെറിയ തോതിലെങ്കിലും പരിഹാരമായിരുന്നു.
എം.എൽ.എ.യും പഞ്ചായത്ത് അധികൃതർ ഉൾപ്പെടെയുള്ളവരും നടത്തിയ സമ്മർദങ്ങളെ തുടർന്നാണ് ഒടുവിൽ സർവീസ് പുനരാരംഭിക്കുന്നത്.
Tags:
KSRTC