![](https://blogger.googleusercontent.com/img/b/R29vZ2xl/AVvXsEhDQwUVo6ylaYPvtDJQvWurWsSFoVLZlMHNS4JmrrcKDCvAkLRCHzistDKPVsRzDgnOO9cgtZfJ-c53H_93S1XaMRzJDCDNTpLWt3nIg3hsCTj13ndasu_4ezWDZnFkN8PNKlxNuBF1S8uETV9HeyQ89oSkj2NoZhn_khLhNLUBdVTf7mse09Sdd1jk/s1600/accident.webp)
കോഴിക്കോട്: കോഴിക്കോട് വാഹനാപകടത്തില് പരിക്കേറ്റ് ചികിത്സയിലായിരുന്നയാള് മരിച്ചു. ആരാമ്പ്രം കാഞ്ഞിരമുക്ക് റോഡിൽ മുച്ചക്രവാഹനം നിയന്ത്രണം വിട്ടുണ്ടായ അപകടത്തിൽ പരിക്കേറ്റ് ചികിത്സയിൽ കഴിഞ്ഞിരുന്ന കിഴക്കോത്ത് പരപ്പാറ ഒതേയോത്ത് റഷീദ് (മുഹമ്മാലി 49 )ആണ് മരിച്ചത്. ഈ മാസം 12 ന് രാവിലെ പതിനൊന്നരയോടെയാണ് അപകടം നടന്നത്.
വികലാംഗർ അസോസിയേഷൻ കിഴക്കോത്ത് പഞ്ചായത്ത് കമ്മിറ്റി സെക്രട്ടറിയായിരുന്നു റഷീദ്. കിഴക്കോത്ത് സർവ്വീസ് സഹകരണ ബാങ്ക് വളം ഡിപ്പോ കേന്ദ്രത്തിന് മുന്നിൽ വെച്ചായിരുന്നു അപകടം. ഗുരുതരമായി പരിക്കേറ്റ റഷീദിനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇവിടെ ചികിത്സയിൽ കഴിയുന്നതിനിടെ ചൊവ്വാഴ്ച വൈകിട്ടോടെയായിരുന്നു മരണം.
പിതാവ്: ഉസ്സയിൽ കുട്ടിഹാജി. മാതാവ്: ഖദീജ. ഭാര്യ: ഷഹനാസ്. മക്കൾ: ജിസാം, ജാസിം, ജസീൽ (മൂവരും വിദ്യാർഥികൾ ). സഹോദരങ്ങൾ: അബ്ദുൽ ലതീഫ്, സീനത്ത്, ശരീഫ. ഖബറടക്കം ബുധനാഴ്ച്ച ഉച്ചയോടെ കിഴക്കോത്ത്ജുമ മസ്ജിദ് ഖബർസ്ഥാനിൽ നടക്കും.
physically challenged man died in bike accident at kozhikode
![Snow](https://blogger.googleusercontent.com/img/b/R29vZ2xl/AVvXsEhBkwPYqhFO1tA61m46XUna4qww2Yt30xrqq7giUut8_GQvExkQdOMJy8WKLjumVEVQ0EtLNhFnjjPhXifuGtNyqWMUzUWak_i_7bszGjy5ekCSlBgnN4tO30dMQX9QnhbXIQv2QfJwtCbsNvhIELj5rf8abqlp6-PEX9rF5kRN_2XIUk31mjd7yJ5T/s1600/5.png)
എന്റെ കോഴിക്കോട് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് താഴെ ലിങ്കില് ക്ലിക്ക് ചെയ്യുക.
Tags:
Accident