![](https://blogger.googleusercontent.com/img/b/R29vZ2xl/AVvXsEh7mSGh6IK4MeTVXtCqf8VJ-QYyHYgT7-6mMDPAdt_JP7Ly1b55prsrobqIA4GSYZhv4Em7hUt9NDDjbri_prFH0Od9ZNtlzl2dqa05BOqu2WSisAihdUHn34qp_OjJtBhL4AdDYcguxvKDhj-WrQ5NeNBkS9Sd-yXD7o_6VoEEHq1YNm4SWKVZBamm5w/s16000/Issac-16X9.webp)
വടകര:വടകരയില് സ്വകാര്യ ബസില് വിദേശമദ്യവുമായി ഇതര സംസ്ഥാന തൊഴിലാളി അറസ്റ്റില്. 40 കുപ്പി വിദേശ മദ്യവുമായി പശ്ചിമബംഗാള് അമിത്പുര് സ്വദേശി ഐസക് ന്യൂട്ടനാണ് അറസ്റ്റിലായത്. അഴിയൂര് ചെക്ക് പോസ്റ്റില് വാഹന പരിശോധനയ്ക്കിടെയാണ് ഇയാള് പിടിയിലായത് .
വടകര ജുഡീഷ്യല് ഫസ്റ്റ് ക്ലാസ് മജിസ്ട്രേറ്റിന് മുമ്പാകെ ഹാജരാക്കി. പ്രിവന്റീവ് ഓഫിസര് ജയരാജ്, സിവില് എക്സൈസ് ഓഫിസര്മാരായ സാവിഷ്, അനൂപ്, ലിനീഷ് എന്നിവരാണ് പരിശോധനാ സംഘത്തിലുണ്ടായിരുന്നത്. പ്രതിയെ 14 ദിവസത്തേക്ക് റിമാന്ഡ് ചെയ്തു