കോഴിക്കോട്: കോഴിക്കോട് കോടഞ്ചേരി മൈക്കാവില്‍ ബൈക്ക് റോഡില്‍ നിന്നും നീക്കി വെച്ചതിനെച്ചൊല്ലിയുണ്ടായ തര്‍ക്കത്തില്‍ അച്ഛനും മകനും വെട്ടേറ്റു. കാഞ്ഞിരാട് മാടപ്പാട്ട് അശോക് കുമാര്‍, മകന്‍ ശരത് എന്നിവരെ അയല്‍വാസിയായ ബൈജുവാണ് വെട്ടിപ്പരിക്കേല്‍പ്പിച്ചത്. ഇരുവരേയും കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
Read also: പെട്രോൾ പമ്പ് ജീവനക്കാരന്റെ കണ്ണിൽ മുളക് പൊടി വിതറി സിനിമാ സ്റ്റൈൽ കവർച്ച; മുഖ്യ ആസൂത്രകൻ പിടിയിൽ
രാവിലെ ഏഴുമണിയോടെ വീട്ടിലേക്ക് കോണ്‍ക്രീറ്റ് സാമഗ്രികളുമായി എത്തിയ ലോറി കടന്നു പോകാനായി റോഡരികില്‍ നിര്‍ത്തിയ ബൈജുവിന്‍റെ ബൈക്ക് അശോക് കുമാര്‍ നീക്കി വെച്ചതിനെച്ചൊല്ലിയാണ് ഇരുവരും തമ്മില്‍ തര്‍ക്കമുണ്ടായത്. പിന്നാലെ കയ്യാങ്കളിയായി. ഇതിനിടെ വീട്ടിലേക്ക് പോയ ബൈജു അരിവാളുമായെത്തി അശോക് കുമാറിനെ ആക്രമിക്കുകയായിരുന്നുവെന്ന് പൊലീസ് പറഞ്ഞു. ബഹളം കേട്ടെത്തിയ മകന്‍ ശരതിനും വെട്ടേറ്റു. അശോക് കുമാറിന് കൈകളിലാണ് വെട്ടേറ്റത്. ശരതിന് വയറിലും. ഇരുവരേയും കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. അയല്‍വാസികളായ അശോക് കുമാറും ബൈജുവും തമ്മില്‍ നേരത്തെ അതിര്‍ത്തി തര്‍ക്കമുണ്ടായിരുന്നതായാണ് പോലീസ് പറയുന്നത്. ഇതിന്റെ തുടർച്ചയാണ് പുതിയ തർക്കം.
border dispute; Kozhikode father and son stabbed
എന്റെ കോഴിക്കോട് വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ താഴെ ലിങ്കില്‍ ക്ലിക്ക് ചെയ്യുക.
Tags:
Crime