![](https://blogger.googleusercontent.com/img/b/R29vZ2xl/AVvXsEhiehbRYj_ij11AGA-F9MneP6zRc-eYDQeWSoI4Z1QA-p0Twlq2jUSELfd2W2KM8TURNAdirlRkrRmqH4MCQL17g-zrH96BohTNXK0Wtvj-Ffp7T8BzT-DxaO002aEojeoi727BKto87lwwZcjzbM3hcdxEFWnoln4UL40IFGUTs0tgGOTAIBiDLRZZN4o/s1600/ente%20kozhikode%2016x9_101331%20%2810%29.webp)
കോഴിക്കോട്: സുഹൃത്തുക്കളോടൊപ്പം ബീച്ചിലെത്തിയ പ്രായപൂര്ത്തിയാകാത്ത കുട്ടിക്ക് നേരെ ലൈംഗികാതിക്രമം നടത്തിയ കേസില് ക്വട്ടേഷന് നേതാവും സംഘവും അറസ്റ്റില്. കോഴിക്കോട് പന്നിയങ്കര നൈനൂക്ക് (40), കൂട്ടാളികളായ നിഷാദ്, സാജര്, ജാസിം എന്നിവരെയാണ് കോഴിക്കോട് ടൗണ് പൊലീസ് പിടികൂടിയത്.
കഴിഞ്ഞദിവസം പുലര്ച്ചെ കോഴിക്കോട് ബീച്ചില് കളിക്കുകയായിരുന്ന കുട്ടിയെ നൈനൂക്ക് ലൈംഗികമായി അതിക്രമിക്കുകയായിരുന്നു. തടയാന് ശ്രമിച്ച മറ്റു കുട്ടികളെ ഉപദ്രവിക്കുകയും കടലില് മുക്കി കൊല്ലാന് ശ്രമിച്ചെന്നുമാണ് കേസ്. നൈനൂക്കിന്റെ പന്നിയങ്കരയിലെ വീട്ടില് നിന്ന് സാഹസികമായാണ് പൊലീസ് പ്രതികളെ കീഴ്പ്പെടുത്തിയത്. വീട് തുറക്കാന് ആവശ്യപ്പെട്ടപ്പോള് ഗ്യാസ് സിലിണ്ടര് തുറന്നുവിട്ട് നൈനൂക്ക് ഭീകരാന്തരീക്ഷം സൃഷ്ടിച്ചു. ആയുധങ്ങള് സഹിതമായിരുന്നു പൊലീസിനെ വെല്ലുവിളിച്ചത്. തുടര്ന്ന് വീടിന്റെ വാതില് ചവിട്ടി തുറന്നാണ് പ്രതികളെ പിടികൂടിയത്. പൊലീസ് വാഹനവും സംഘം അടിച്ചു തകര്ത്തു. അക്രമത്തില് പരിക്കേറ്റ പൊലീസുകാര് ബീച്ച് ആശുപത്രിയില് ചികിത്സയിലാണ്. ആയുധവുമായി ആക്രമിച്ചു, വാഹനം തകര്ത്തു എന്നീ സംഭവത്തില് പന്നിയങ്കര പൊലീസ് കേസെടുത്തിട്ടുണ്ട്.
child sexually assaulted on kozhikode beach quotation leader arrested
![Snow](https://blogger.googleusercontent.com/img/b/R29vZ2xl/AVvXsEhBkwPYqhFO1tA61m46XUna4qww2Yt30xrqq7giUut8_GQvExkQdOMJy8WKLjumVEVQ0EtLNhFnjjPhXifuGtNyqWMUzUWak_i_7bszGjy5ekCSlBgnN4tO30dMQX9QnhbXIQv2QfJwtCbsNvhIELj5rf8abqlp6-PEX9rF5kRN_2XIUk31mjd7yJ5T/s1600/5.png)
എന്റെ കോഴിക്കോട് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് താഴെ ലിങ്കില് ക്ലിക്ക് ചെയ്യുക.